Prezident Erdog‘an musulmonlarni birlikka chaqirdi
- Жанр: Yangiliklar
- Смотрели: 17
- Формат: mp4
- Дата релиза: 06-04-2024, 19:52
Turkiya prezidenti Rajab Toyyib Erdo‘g‘an G‘arb davlatlarini islom dunyosini ekspluatasiya qilishda ayblab, musulmonlarni birlashishga chaqirdi.
Islom olami muammolarida global imperialistik kuchlar muhim rol o‘ynaydi. Islom mamlakatlari resurslaridan ularning haqiqiy egalari emas, balki sobiq mustamlakachi davlatlar foyda ko‘rmoqda. Bu haqda Turkiya prezidenti Rajab Toyyib Erdo‘g‘an Anqarada o‘tkazilgan Qur’on tilovati musobaqasi finalida so‘zlagan nutqida aytib o‘tdi.
«Urushlar va mojarolar ularning asosiy qurolidir. Suriya, Yaman, Liviya, Sudan va Falastindagi xunrezliklar ortida bu ekspluatasion tuzumni saqlab qolish rejalari turibdi. Ular demokratiya, terrorizmga qarshi kurash yoki barqarorlikni ta’minlash niqoblari ortiga yashiringan – lekin maqsad bir: boyliklarni talon-taroj qilish», — dedi davlat rahbari.
«Mana 180 kundirki, birodarlarimiz so‘z bilan ifodalab bo‘lmaydigan shafqatsizlik va genosidga duchor bo‘lmoqda», - deya izoh berdi Isroilning G‘azoga hujumi Turkiya rahbari.
«Biz xatolarimizni tan olishimiz kerak. Qur’on va Sunnatdan uzoqligimiz aloqalarimizni zaiflashtirdi. Kuchli bo‘lishi kerak bo‘lgan birodarligimiz zaiflashdi, birdamlik buzildi», - deya noliydi Turkiya rahbari.
Islom olamidagi notinchliklarni faqat birlashish bilan bartaraf etish mumkinligini ta’kidlagan Prezident Erdog‘an: «Birodarlarimizni himoya qilamiz, bir-birimizni sevamiz va himoya qilamiz, bir-birimizning haqimizni hurmat qilamiz. Biz o‘zaro yordam inoyatiga va birlik kuchiga chin yurakdan ishonamiz. Biz birodarlarimizdan, qarindoshlarimizdan, qo‘shnilarimizdan hech qachon yuz o‘girmaymiz».
