O‘zbekistonda transplantasiya amaliyoti qanday amalga oshirilmoqda?
- Жанр: Yangiliklar
- Смотрели: 14
- Формат: mp4
- Дата релиза: 06-04-2024, 16:52
Xususan, Samarqand viloyatida jami 70 nafar bemorda buyrak ko‘chirish amaliyoti o‘tkazilgan. Biroq viloyatdagi markazda donor va resipiyentlarni transplantasiyaga tayyorlash hamda undan keyingi davolanishi uchun transplantasiya bo‘limi tashkil etilmagan.
Bu Senatning Fan, ta’lim va sog‘liqni saqlash masalalari qo‘mitasining «Inson a’zolari va to‘qimalarining transplantasiyasi to‘g‘risida»gi qonunning Samarqand viloyatidagi ijrosiga bag‘ishlangan majlisida qayd etildi.
Sog‘liqni saqlash vazirligi tomonidan transplantasiya masalalari bo‘yicha Etika komissiyasi tuzish haqida, transplantasiya zarurligi to‘g‘risida tibbiy xulosa berish tartibini tasdiqlash to‘g‘risida, miya o‘limini aniqlash qoidalari, reanimasiya tadbirlarini to‘xtatish va inson o‘limini aniqlash protokoli shaklini tasdiqlash to‘g‘risidagi nizomni tasdiqlash haqida hamda transplantasiya operasiyasi o‘tkazilgan shaxslarni sifatli immunosupressor dori vositalari bilan ta’minlash va doimiy nazorat qilish to‘g‘risidagi buyruqlar qabul qilingan.
Qonunni amalga oshirish bo‘yicha «Yo‘l xaritasi»da belgilangan ayrim vazifalar bajarilmaganiga e’tibor qaratildi. Xususan, qonun talablarini inobatga olgan holda, tirik donordan yoki inson murdasidan olingan inson a’zolari va to‘qimalarini transplantasiya qilish tartibini belgilovchi normativ-huquqiy hujjat qabul qilinmagan.
Jumladan, Samarqand viloyatida immunosupressor qabul qiluvchi har bir resipiyentning holati, mazkur preparatning dozasi va qoldig‘i haqida aniq ma’lumot beruvchi yagona reestr yuritilmayotgani qayd etildi.
Majlisda inson a’zolari transplantasiyasi sohasini takomillashtirish yuzasidan mas’ul vazirlik va idoralar rahbarlarining axborotlari ham eshitildi. Senatorlar tomonidan sohada mavjud muammolarni bartaraf etish bo‘yicha taklif va tavsiyalar bildirildi.
