Armanistonning sobiq mudofaa vaziri partiya tuzdi
- Жанр: Yangiliklar
- Смотрели: 15
- Формат: mp4
- Дата релиза: 06-04-2024, 13:10
Bu haqda «News.am» nashri ma’lum qildi, deb yozadi «Report» .
Ma’lum qilinishicha, qurultoy Yerevandagi «Armenia Marriott» mehmonxonasining «Tigran Mets» zalida bo‘lib o‘tgan. Qurultoyda so‘zga chiqqan A.Karapetyan: «Biz kuchli Armaniston quramiz», dedi.
Ma’lumotlarga ko‘ra, sobiq mudofaa vaziri rais etib, Ovannes Shaginyan esa siyosiy tashkilot bosh kotibi etib saylangan.
Eslatib o‘tamiz, A.Karapetyan 2016 yil aprel janglarida o‘zining sharmandali harakatlari bilan yodda qolgan edi. Janglardan bir necha kun o‘tgach, u o‘sha paytdagi prezident Serj Sarkisyanning buyrug‘iga binoan qurolli kuchlar shtab-kvartirasining razvedka boshqarmasi boshlig‘i lavozimidan ozod qilindi. Ma’lumotlarga ko‘ra, Karapetyan boshchiligidagi razvedka boshqarmasi o‘z vazifalarini bajarishda e’tiborsizlikka yo‘l qo‘ygan, natijada arman tomoni 2016 yil aprel janglari haqida yetarlicha ma’lumot ololmagan. Bir muncha vaqt o‘tgach, u Armaniston bosh vaziri Nikol Pashinyanga qo‘shildi. 2021 yilda Pashinyan uni dastlab Bosh shtab boshlig‘ining birinchi o‘rinbosari, keyin esa mudofaa vaziri etib tayinlagan. U 2022 yilda lavozimidan ozod qilingan.
Shundan so‘ng u «Umumarmanlar harakati» nomli siyosiy tashkilot tuzishini ma’lum qildi.
Shuni ta’kidlash kerakki, bu «Armenia Marriott» mehmonxonasida unutilmas joy. Armaniston ommaviy axborot vositalari sobiq prezident Robert Kocharyan ushbu mehmonxonada 6 million dollar pora olgani haqida yozishgan.
