Ayrim shaxslar yo‘qotilgan pasport va ID-kartani almashtirib berishda davlat bojidan ozod etiladi
- Жанр: Yangiliklar
- Смотрели: 16
- Формат: mp4
- Дата релиза: 06-04-2024, 12:58
“Davlat boji to‘g‘risida”gi qonunning 13-moddasiga qo‘shimchalar kiritish haqida”gi qonun loyihasi e’lon qilindi.
Loyiha prezident qarori bilan tasdiqlangan Ijtimoiy himoyaga muhtoj keksa va nogironligi bo‘lgan shaxslarni qo‘llab-quvvatlash tizimini yanada takomillashtirish bo‘yicha “yo‘l xaritasi” ijrosini ta’minlash maqsadida Ichki ishlar vazirligi tomonidan ishlab chiqilgan.
Loyihada quyidagilar nazarda tutilmoqda:
o‘zgalar parvarishiga muhtoj keksalar va nogironligi bo‘lgan shaxslarga ijtimoiy xizmatlarni ko‘rsatish tizimini takomillashtirish, ularni qo‘llab-quvvatlash, jamiyatga integrasiya qilish va mustaqil hayot kechirishlari uchun zarur sharoitlar yaratish, ijtimoiy xizmatlar ko‘rsatish jarayonini raqamlashtirish, ko‘rsatilayotgan ijtimoiy xizmatlar sifatini oshirish;
o‘zgalar parvarishiga muhtoj bo‘lgan yolg‘iz yashovchi hamda yolg‘iz keksa va nogironligi bo‘lgan shaxslarga ijtimoiy xizmatlar ko‘rsatishda yengilliklar yaratish, jumladan, ularning yo‘qotilgan biometrik pasportlari (identifikasiya ID-kartalari)ni ular reestrga kiritilguniga qadar “Inson” ijtimoiy xizmatlar markazi buyurtmasi asosida almashtirib berishda davlat bojidan ozod qilish.
