O‘zbekiston davlat organlari xodimlari uchun Britaniyada malaka oshirish kurslari tashkil etiladi
- Жанр: Yangiliklar
- Смотрели: 19
- Формат: mp4
- Дата релиза: 06-04-2024, 11:00
Mett Karter Yangi O‘zbekistonda jamiyat va davlat hayotining barcha jabhalarida, ayniqsa, parlamentarizmni rivojlantirish, iqtisodni liberallashtirish, ta’lim sohasini modernizasiya qilish borasida olib borilayotgan keng ko‘lamli islohotlarni yuqori baholadi. U respublikada amalga oshirilgan konstitusiyaviy islohotlar mamlakatdagi davlat boshqaruvi tizimining yanada takomillashtirish va ijtimoiy-iqtisodiy rivojlanishga o‘zining ijobiy natijalarini ko‘rsatayotganini bildirdi.
Ta’kidlanishicha, "GPG" strategik tahlil va maslahat xizmatlarini ko‘rsatish, davlat boshqaruvini rivojlantirish dasturlarini ishlab chiqish, tadqiqotlar va nashrlar, onlayn kurslar va treninglar xizmatini ko‘rsatish kabi yo‘nalishlarda faoliyat olib boradi.
"GPG" va O‘zbekiston Oliy Majlisi Qonunchilik palatasi o‘rtasida 2021-2022 yillarda bir qator loyihalar amalga oshirilgan. O‘zbekiston tomoni bilan hamkorlikni davom ettirishdan manfaatdormiz", dedi Mett Karter.
Uchrashuv yakunida O‘zbekiston Oliy Majlisi Senati va Qonunchilik palatasi a’zolari hamda respublika davlat organlari xodimlari uchun Britaniyada malaka oshirish kurslari va stajirovkalarini tashkil etish masalasi o‘rganib chiqish bo‘yicha kelishuvga erishildi.
2005 yilda tashkil etilgan "GPG" rivojlanayotgan mamlakatlarda parlamentarizm va davlat boshqaruvini rivojlantirish dasturlari hamda ijtimoiy loyihalarni amalga oshirishga ixtisoslashgan Britaniyaning yetakchi NNTlaridan biri hisoblanadi. Hozirgi paytda ushbu tashkilot dunyoning 40 dan ortiq mamlakatlarida faoliyat yuritadi.
