Ekvador Meksikaning Kitodagi elchisini persona non grata deb e’lon qildi
- Жанр: Yangiliklar
- Смотрели: 18
- Формат: mp4
- Дата релиза: 05-04-2024, 20:08
Janubiy Amerika mamlakati Tashqi ishlar vazirligi ma’lumotlariga ko‘ra, Obradorning bayonotlari Ekvadorning ichki ishlariga aralashishni anglatadi va shu munosabat bilan Meksikaning Kitodagi elchisi Rakel Serur Smeke xonimni persona non grata deb e’lon qilish to‘g‘risida qaror qabul qilingan.
Departament Ekvadorning Villavitensioga suiqasd uyushtirilgani uchun hanuz qayg‘urayotganini ta’kidladi.
«Meksika prezidentining o‘ta baxtsiz bayonotlari kontekstida Ekvador hukumati Vena konvensiyasining 9-moddasiga asoslanib, Meksikaning Kitodagi elchisini persona non grata deb e’lon qilishga qaror qildi», — deyiladi xabarda.
Tashqi ishlar vazirligi Ekvador mamlakatning demokratik institutlari va xalqiga tahdid solayotgan transmilliy uyushgan jinoyatchilikka qarshi kurashni davom ettirayotganini ta’kidlab, Meksikani Ekvador suverenitetiga hurmat ko‘rsatishga chaqirdi.
Meksika davlat rahbari avvalroq brifingda Vilyavitensioning o‘ldirilishi amaldagi prezident Daniyel Noboaga g‘alaba keltirganini va Fuqarolar harakati nomzodi Luisa Gonsalesga zarar yetkazganini aytdi.
Korrupsiyaga qarshi kurashdagi qat’iyligi bilan tanilgan prezidentlikka nomzod Fernando Villavitensio 2023 yil 9 avgust kuni Kitoda boshiga uchta o‘q uzib o‘ldirilgan.
Otishma paytida gumonlanuvchilardan biri halokatli darajada yaralangan, deydi prokurorlar. Keyinchalik suiqasdga aloqadorlikda gumon qilingan 13 kishi hibsga olingan, ulardan 7 nafari kolumbiyalikdir.
