Isroil G‘azo sektoriga yordam yetkazilishi uchun yangi yo‘nalishlarni ochmoqda
- Жанр: Yangiliklar
- Смотрели: 14
- Формат: mp4
- Дата релиза: 05-04-2024, 15:44
Isroil va HAMAS o‘rtasidagi mojaro boshlanganidan beri ilk bor G‘azo sektorining shimoliy hududlari bilan chegaradagi "Erez" nazorat-o‘tkazish punkti ochiladi. Bundan tashqari, Isroil janubidagi Ashdod porti ham vaqtincha ochiladi.
Isroil, bundan tashqari, "Kerem-Shalom" o‘tkazish-nazorat punkti orqali Iordaniyadan kelayotgan yordam miqdorini oshirishga rozi bo‘ldi. Ushbu gumanitar marshrutlar aynan qachon ochilishi hozircha noma’lum.
Isroilning bayonoti Isroil bosh vaziri Binyamin Netanyaxu va AQSh prezidenti Jo Bayden o‘rtasidagi telefon suhbatidan bir necha soat o‘tib yangradi.
Nashrning yozishicha, qo‘ng‘iroq chog‘ida Bayden agar Isroil anklavdagi gumanitar inqirozni bartaraf etish va ko‘ngillilarni himoya qilish choralarini ko‘rmasa, AQShning G‘azo sektoridagi urushga oid siyosati o‘zgarishi mumkinligidan ogohlantirgan.
