Tramp muhojirlarni «hayvonlar» deb atadi
- Жанр: Yangiliklar
- Смотрели: 18
- Формат: mp4
- Дата релиза: 04-04-2024, 21:18
TRT`ning yozishicha, muhojirlar tomonidan sodir etilgani aytilayotgan bir qancha jinoyatlarni sanab o‘tgan Tramp noqonuniy muhojirlar hayvonlardir degan xulosaga keldi.
“Demokratlar ularni “hayvon” demanglar, ular odamlardir, deyishadi. Lekin men: yo‘q, ular odamlar emas, ular odamlar emas, ular hayvonlar, deb aytaman. [...] Men «hayvon» so‘zini ishlataman, chunki ular shunday”, — dedi AQShning sobiq prezidenti.
Donald Tramp o‘z chiqishlarida tez-tez Meksika bilan chegarani noqonuniy kesib o‘tgan muhojirlar o‘z mamlakatlaridagi qamoqxonalardan qochib, AQShda jinoyatchilik, jumladan, zo‘ravonlik jinoyatlarining ko‘payishiga hissa qo‘shayotganini ta’kidlaydi. Biroq odatda o‘z tezislarini tasdiqlovchi statistik ma’lumotlarni keltirmasdan, faqat alohida voqealar misollari bilan cheklanadi.
Shuningdek, u seshanba kuni Lotin Amerikasi davlatlari o‘z jinoyatchilarini ataylab AQShga jo‘natayotganini yana bir bor ta’kidladi.
Qo‘shma Shtatlardagi jinoyatchilarning immigrasiya maqomi to‘g‘risida mavjud ma’lumotlar kam bo‘lsa-da, tadqiqotchilarning ta’kidlashicha, AQShda noqonuniy yashovchi odamlar amerikaliklarning o‘ziga qaraganda ko‘proq zo‘ravonlik jinoyatlarini sodir etmaydi.
