Bombalanayotgan G‘azo: 181-kunning asosiy voqealari
- Жанр: Yangiliklar
- Смотрели: 16
- Формат: mp4
- Дата релиза: 04-04-2024, 16:46
▪️ Bosqinchilar Rafah, Dayr al-Balah va Xon Yunisga hujum qildi. Kun davomida 5 ta ommaviy qirg‘in sodir etdi, buning natijasida 62 kishi shahid bo‘ldi, 91 kishi yaralandi.
▪️ Qirg‘inbarot boshlangan 7 oktyabrdan buyon Isroil hujumlari natijasida jami 32 975 falastinlik, jumladan, 14280 nafar bola va 9340 nafar ayol halok bo‘ldi, 75 668 kishi jarohatlandi.
▪️ Isroil armiyasi hujumlari natijasida G‘azoda yana ikki jurnalist – “Quddus ovozi” radiosi boshlovchisi va muharriri Muhammad es-Sayyid Abu Sahil hamda raqamli kontent muharriri Tariq es-Sayyid Abu Sahil halok bo‘lgan. Bu bilan 2023 yil 7 oktyabrdan beri G‘azo sektorida halok bo‘lgan jurnalistlar soni 140 nafarga yetdi.
▪️ G‘arbiy Sohilda bosqinchilar Jenin, Baytlahm va Xalil lagerlariga bostirib kirishdi. Jeninda qarshilik kuchlari bosqinchilarga qarshi ikkita portlovchi moslamani ishga tushirdi.
▪️ Al-Qasam brigadalari: Kissifim, Sderot va Niramga raketa zarbasini berdik.
▪️ YUNRVA: Isroil G‘azo shimoliga oziq-ovqat yetkazib berishni to‘sib qo‘yishda davom etmoqda.
▪️ Human Rights Watch: Oktyabr oyi oxirida Isroil armiyasining turar-joy binosiga uyushtirgan hujumida 106 falastinlik o‘ldirilganini tekshirdik. Shubhasiz, bu urush jinoyati.
▪️ Isroillik garovga olinganlarning oilalari Isroil parlamentida norozilik namoyishi o‘tkazdi. Derazalarga bo‘yoq surtib, Knesset a’zolariga o‘z talablarini baqirgan namoyishchilar hukumatni HAMAS qo‘li ostidagi yaqinlarini ozod qilish uchun chora ko‘rishga chaqirdi.
