O‘zbekistonda McDonald’s tarmog‘i ochilishi mumkin
- Жанр: Yangiliklar
- Смотрели: 47
- Формат: mp4
- Дата релиза: 16-03-2024, 20:24
O‘zbekistonda McDonald’s tovar belgisi ro‘yxatdan o‘tkazilmoqda. “Reach Impex” Adliya vazirligiga «McDonald’s» tovar belgisini O‘zbekistonda ro‘yxatdan o‘tkazish uchun ariza bilan murojaat qildi.
Tegishli yozuvlar Intellektual mulk elektron davlat xizmatlari portali bazasida 11 mart kuni 202401749 va 202401748 raqamlari ostida ro‘yxatdan o‘tkazgan. Kompaniya bir vaqtning o‘zida barcha toifalar bo‘yicha arizalarni topshirgan.
Korxona va tashkilotlarning yagona davlat reestri ma’lumotlarga ko‘ra, “Reach Impex” mas’uliyati cheklangan jamiyati Toshkent shahrida joylashgan. 2022 yilning 19 aprelida ro‘yxatdan o‘tgan. Ulgurji ixtisoslashtirilmagan savdo faoliyat turi sifatida ko‘rsatilgan.
Ustav kapitali 211,1 mln so‘m bo‘lgan kompaniyaning ta’sischilari Usmonov Bahodir Burxonovich (60%) va Abdujabbarov Abror Axralovich (40%) bo‘lib, u ham kompaniya rahbari lavozimini egallaydi.
Qozog‘istondagi «McDonald’s» restoranlari 2022 yilning 18 noyabrida yopildi. “Food Solutions KZ” buni mahalliy yetkazib berishdagi cheklovlar tufayli to‘xtatilgani bilan izohladi.
2023 yil 5 yanvar kuni «McDonald’s» Qozog‘iston bozoridan mahsulotlar, xususan, go‘sht yetkazib berishdagi muammolar tufayli chiqib ketishini e’lon qildi. O‘sha paytda «Vkusno-i Tochka» vakillari Amerika kompaniyasi bilan kelishuvlar tufayli Qozog‘istonda ishlash rejalari yo‘qligini e’lon qilishdi.
Qozog‘iston ommaviy axborot vositalari “Vkusno-i Tochka” brendini ro‘yxatdan o‘tkazish to‘g‘risidagi ariza haqida xabar berishganda, Rossiya kompaniyasi buni «brendni himoyasi» bilan izohladi. Kompaniya mahalliy «McDonald’s» franshizasi bilan kelishuvlar yo‘qligini ta’kidlab, mamlakatga kirishni rad etdi.
