Soliq qo‘mitasi savdo sohasidagi eng yirik soliq to‘lovchilarni nomladi
- Жанр: Yangiliklar
- Смотрели: 43
- Формат: mp4
- Дата релиза: 16-03-2024, 19:18
Soliq qo‘mitasi ma’lumotlariga ko‘ra, mamlakatimizda savdo sohasida 151 mingdan ortiq korxona faoliyat yuritmoqda. Ular tomonidan 20,3 trillion so‘mga yaqin soliq to‘langan.
Shuningdek, boshqarma tomonidan 20 ta eng yirik savdo korxonalari tuzilib, ular tomonidan davlat budjetiga qariyb 1,8 trillion so‘m, ya’ni umumiy tushumning 8,8 foizi o‘tkazildi.
Ushbu korxonalarning umumiy aylanmasi 42,9 trillion so‘mni tashkil etgan bo‘lsa, ular tomonidan 759 milliard so‘mlik soliq imtiyozlari qo‘llanilgan.
Soliq to‘lovlari bo‘yicha birinchi o‘rinda «Anglesey Food» 208,8 milliard so‘m soliq to‘lagan.
Ikkinchi o‘rinda «Intermax Petroleum» (deyarli 123 milliard so‘m), uchinchi o‘rinda «Tashkent Tobacco Distribution» (119 milliard so‘m) joylashgan.
Yigirmatalikka Nestle Food, Tashkent Trade Center, UNG Petro, BYD Uzbekistan Factory, Uzum Market, Grand Farm Trade va boshqa kompaniyalar ham kirdi.Soliq turlari bo‘yicha birinchi yigirmatalikning eng katta ulushini QQS tushumlari egallagan – 641 milliard so‘mdan ortiq. . Ikkinchi o‘rinda daromad solig‘i bo‘lib, budjetga salkam 431 milliard so‘m tushdi.
Eslatib o‘tamiz, Soliq xizmati O‘zbekistonda taksi xizmati sohasini qonuniylashtirmoqda. Uch oyda davlat budjeti qariyb 10 milliard so‘mga to‘ldirildi.
