Isroilda namoyishchilar Netanyaxu qarorgohiga yorib kirishga harakat qilishdi
- Жанр: Yangiliklar
- Смотрели: 15
- Формат: mp4
- Дата релиза: 03-04-2024, 20:46
Namoyishda G‘azo sektorida saqlanayotgan isroillik mahbuslarning yaqinlari ishtirok etdi.
Namoyishchilar bosh vazirning G‘arbiy Quddusdagi qarorgohi oldidagi polisiya to‘siqlarini buzib o‘tishga harakat qilishdi. Ulardan ba’zilari xavfsizlik kuchlari bilan to‘qnashgan.
Namoyishchilar rasmiylardan HAMAS bilan asirlarni almashish bo‘yicha kelishuv imzolashni talab qilishdi.
Xabar qilinishicha, namoyishchilardan biri polisiyachiga yonayotgan mash’alani uloqtirgan.
Namoyishchilarni tarqatish uchun otliq polisiya va maxsus jihozlardan foydalanilgan.
Polisiya ma’lumotlariga ko‘ra, uch nafar namoyishchi qo‘lga olingan. Bir polisiyachi yaralangan.
31 mart kuni G‘arbiy Quddusda 100 ming kishi ishtirokida hukumat iste’fosi, muddatidan oldin saylovlar o‘tkazish va G‘azodan isroillik mahbuslarni qaytarish talabi bilan ommaviy namoyish bo‘lib o‘tdi. Namoyishchilar yo‘l harakatini to‘sib, o‘t yoqib, polisiya bilan to‘qnashgan.
Isroil va xalqaro hamjamiyat Benyamin Netanyaxuni siyosiy sabablarga ko‘ra Hamas bilan kelishuvga kirishdan bosh tortishda ayblamoqda.
Netanyaxu hukumatining yuqori martabali a’zolari rasmiylar uchun ustuvor vazifa mahbuslarni qaytarish emas, balki «Hamasni yo‘q qilish» ekanligini bir necha bor ta’kidlagan.
