Lesterning uch yildagi yo‘qotishlari 215,3 millionni tashkil etadi
- Жанр: Futbol yangiliklari
- Смотрели: 21
- Формат: mp4
- Дата релиза: 03-04-2024, 14:42
Avvalroq, "Lester" Premyer-liganing navbatdagi mavsumida ochkolari olib qo‘yilishi haqida ma’lumot paydo bo‘lgandi. Klub 2022/23 yilgi mavsumda moliyaviy qoidalarni buzganlikda ayblangan, shundan so‘ng "tulkilar" Chempionshipga tushib ketgan va "Lester" Premyer-ligani sudga bergan.
BBC nashri xabariga ko‘ra, "Lester" 2022/23 yilgi mavsumda 74,8 million funt sterlinglik o‘yinchi sotishdan tushgan daromadga qaramay, 89,7 million funt sterling zarar ko‘rgan.
Shunday qilib, "Lester"ning so‘nggi 3 yildagi umumiy yo‘qotishlari 215,3 million funt sterlingni tashkil etdi, bu ruxsat etilgandan 105 million ko‘p.
Eslatib o‘tamiz, joriy mavsum boshida Premyer-liga ushbu limitdan oshib ketgani uchun “Everton” va “Nottingem Forest”dan ochko olib tashlagandi.
Chempionshipning joriy mavsumida “Lester” 40 turdan keyin peshqadamdan 2 ochkoga ortda qolgan holda 3-o‘rinda bormoqda.