Kreml Eronning Suriyadagi konsulligiga hujumni «bosqinchilik harakati» deb atadi
- Жанр: Yangiliklar
- Смотрели: 21
- Формат: mp4
- Дата релиза: 02-04-2024, 16:30
Rossiya prezidenti matbuot kotibi Dmitriy Peskov Eronning Suriya Damashqdagi konsulligiga uyushtirilgan hujumni «xalqaro huquqni buzish» va «bosqinchilik harakati» deb atadi.
«Biz xulosa chiqarishga shoshilmagan bo‘lardik, ammo har qanday holatda ham bunday zarbalar xalqaro huquqni buzish va tajovuzkorlik harakatidir», - dedi Kreml matbuot kotibi, Rossiya OAVlari.
Bir kun avval Eron Islom inqilobi qo‘riqchilari korpusi (IRQK) Damashqdagi Eron konsulligiga Isroilning raketa hujumi natijasida yetti nafar amaldor halok bo‘lgani haqida xabar bergan edi. Ma’lumotlarga ko‘ra, hodisa qurbonlari orasida ikki eronlik general – Muhammad Rizo Zohidiy va Muhammad Hodi Haj Rahimiy ham bor.
Isroil rasmiylari hozircha hujum uchun javobgarlikni o‘z zimmasiga olganicha yo‘q.
Oxirgi oylarda Isroil Suriyadagi Eron nishonlariga bir necha bor havo hujumlari uyushtirgan.
