Samarqandlik 9 nafar o‘quvchi asosiy fan olimpiadasida g‘olib bo‘ldi
- Жанр: Yangiliklar
- Смотрели: 18
- Формат: mp4
- Дата релиза: 02-04-2024, 12:00
Olimpiada natijalariga ko‘ra, ingliz tilidan Ishtixon tumani 35-umumta’lim maktabi o‘quvchisi Mohinurxon Suyunova birinchi o‘rinni qo‘lga kiritdi. Shuningdek, ona tili va adabiyot fanidan Narpay tumanidagi 31-umumta’lim maktabi o‘quvchisi Muxlisa Ne’matullayeva ikkinchi o‘rinni, nemis tilidan Samarqand shahar 51-IDUM o‘quvchisi Aliakbar Akbarov va fransuz tilidan Ishtixon tumani 17-umumta’lim maktabi o‘quvchisi Suhrob Musurmonov uchinchi o‘rinni egalladi.
– O‘tgan yili viloyatimizdan biror o‘quvchi fan olimpiadasining respublika bosqichida o‘rin ololmagandi, – dedi viloyat maktabgacha va maktab ta’limi boshqarmasi bo‘lim boshlig‘i Xurshid Hojiqulov. – Bu yil to‘qqiz nafar o‘quvchi turli fanlardan g‘oliblikni qo‘lga kiritib, respublikada birinchi o‘rinni egalladik.
Asosiy fan olimpiadasining respublika bosqichida g‘olib bo‘lgan o‘quvchilar pul mukofoti va qimmatbaho sovg‘alar bilan taqdirlandi. Shuningdek, ularga oliy ta’lim muassasalariga kirish imtihonida o‘sha fandan maksimal ball beriladi. G‘olib bo‘lgan o‘quvchilarning o‘qituvchilariga bir yil mobaynida 100 foizlik ustama puli to‘lanadi. Maktab direktorlari ham tegishli ravishda rag‘batlantiriladi.