O‘zbekiston elchisi Londonda Kaspiy siyosati markazining Britaniyadagi vakolatxonasi direktori bilan uchrashdi
- Жанр: Yangiliklar
- Смотрели: 15
- Формат: mp4
- Дата релиза: 02-04-2024, 10:26
Devid Moran 2005-2007 yillarda Buyuk Britaniyaning O‘zbekistondagi elchisi, shuningdek, 2023 yil avgustgacha Yevropa va Markaziy Osiyodagi iqlim va energetika bo‘yicha mintaqaviy hukumat elchisi lavozimida ishlagan.
2016 yilda tashkil etilgan Kaspiy siyosati markazi Vashingtonda joylashgan. U mustaqil tahliliy tashkilot hisoblanadi. Markazning asosiy tadqiqot yo‘nalishlari Kaspiy mintaqasining iqtisodiy, siyosiy, energetika va xavfsizlik masalalarini qamrab oladi.
Uchrashuvda tomonlar iqlim o‘zgarishiga qarshi kurashishda hamkorlik istiqbollarini muhokama qildilar.
O‘zbekiston tomoni mamlakatda iqlim o‘zgarishiga qarshi kurashish va atrof-muhitni muhofaza qilish, iqlim o‘zgarishiga moslashish, karbonat angidrid chiqindilarini kamaytirish va "yashil" energiyani rivojlantirish bo‘yicha amalga oshirilayotgan chora-tadbirlar haqida ma’lumot berdi.
Belgilangan vazifalarga erishish maqsadida xalqaro sheriklar, shu jumladan Buyuk Britaniya bilan hamkorlikni rivojlantirishga qiziqish bildirildi.
Devid Moran O‘zbekiston tashabbusi bilan BMT Bosh Assambleyasi tomonidan bilan qabul qilingan "2027 yil - Xalqaro barqaror va yashovchan turizm yili" rezolyusiyasini yuqori baholadi. Hujjatda atrof-muhitni, bioxilma-xillikni saqlash va havo ifloslanishini kamaytirish maqsadida "yashil" turizmni rivojlantirishga alohida e’tibor qaratilgani ta’kidlandi.
Muzokaralar yakunida ushbu yo‘nalishda o‘zaro yaqin muloqotni davom ettirish bo‘yicha kelishuvga erishildi.
