Pokistonda bombalarni zararsizlantirish guruhiga qilingan hujumda 2 nafar askar halok bo‘ldi
- Жанр: Yangiliklar
- Смотрели: 18
- Формат: mp4
- Дата релиза: 02-04-2024, 02:24
Xabarda aytilishicha, askarlar janubi-g‘arbiy Balujiston viloyatining qirg‘oqbo‘yi Gvadar tumanidagi Anqara Kaur to‘g‘oni hududida tozalash ishlarini olib borayotgan bo‘lgan. Hududda kutilmaganda paydo bo‘lgan noma’lum jangarilar askarlarni o‘qqa tutgan.
Hujum oqibatida yana to‘rt nafar askar yaralangani xabar qilingan. Yaralanganlar viloyat markazidagi kasalxonaga olib ketilgan.
Bundan bir necha kun oldin Pokiston shimoli-g‘arbidagi Xayber-Paxtunxva viloyatida yuz bergan terakt oqibatida 5 nafar Xitoy fuqarosi va ularni olib ketayotgan pokistonlik haydovchi halok bo‘lgan edi. Teraktni mamlakat g‘arbida o‘rnashgan ekstremist guruhlar amalga oshirgani xabar qilingan edi.
Pokistonda so‘nggi bir necha yil ichida jangarilar hujumi ko‘paygan. Xususan, joriy yilning dastlabki uch oyida 245 ta turli darajadagi teraktlar sodir etilgan. Ularda 432 kishi halok bo‘lgan va 370 nafar fuqaro jarohatlangan.