O‘zbekistonning sarmoyaviy, eksport va sayyohlik salohiyati Xitoyning Sian shahrida taqdim etildi
- Жанр: Yangiliklar
- Смотрели: 17
- Формат: mp4
- Дата релиза: 01-04-2024, 15:44
Mamlakatimizning Xitoydagi elchixonasi tomonidan Shensi provinsiyasi hukumati, Xalqaro savdoni rivojlantirish qo‘mitasi, Savdo palatasi, ishlab chiqaruvchi va savdo-sanoat birlashmalari bilan birgalikda tashkil etilgan tadbirda qishloq xo‘jaligi, to‘qimachilik, logistika, turizm, oziq-ovqat sanoati, qurilish va farmasevtika sohalari vakillari qatnashdi.
Tadbir ishtirokchilariga O‘zbekistonda barcha sohalarda amalga oshirilayotgan keng ko‘lamli islohotlarning mazmun-mohiyati, xorijiy investorlar uchun taqdim etilayotgan imtiyoz va imkoniyatlar haqida ma’lumot berildi.
Shensi provinsiyasi xalqaro savdoni rivojlantirish qo‘mitasi raisi Szya Chjenlan o‘z nutqida, O‘zbekistondagi savdo-iqtisodiy, sarmoyaviy imkoniyatlarni yuqori baholab, hudud tadbirkorlarini yurtimizda yangi loyihalarga sarmoya kiritishga chaqirdi.
"2023 yilda Shensi va O‘zbekiston o‘rtasidagi o‘zaro savdo aylanmasi 485 million dollarni tashkil qildi. Sian-Toshkent (Markaziy Osiyo) ekspress poyezdining 284 marta qatnovi amalga oshirildi. Sian-Toshkent-Sian muntazam aviaqatnovi yo‘lga qo‘yilgan" dedi Szya Chjenlan.