NATO qo‘shinlarini Ukrainaga yuborish uchinchi jahon urushini anglatadi
- Жанр: Yangiliklar
- Смотрели: 43
- Формат: mp4
- Дата релиза: 16-03-2024, 13:12
Verona shahrida ishtirok etgan tadbirda savollarga javob bergan Tayani: «Nato Ukrainada bo‘lmasligi kerak deb o‘ylayman. Umid qilamanki, bu sodir bo‘lmaydi. U yerga borib, Rossiya bilan urush boshlash uchinchi jahon urushi xavfini anglatadi».
Rossiya bilan urushda emasliklarini ta’kidlagan vazir, «Biz xalqaro huquq va Ukraina erkinligini himoya qilamiz, lekin Rossiya bilan urushda emasmiz. Biz Kiyevni barcha turdagi harbiy, iqtisodiy va texnik vositalar bilan ta’minlaymiz, ammo urushga kirish menga xatodek tuyuladi va italiyaliklarning hammasi ham buni xohlamaydi».
Ukrainaga Italiya qo‘shinlarini kiritish masalasi yo‘qligini tasdiqlagan TIV rahbari Italiya armiyasi Qizil dengiz, Livan, Iroq va Afrikadagi savdo kemalarini himoya qilishda yaxshi ish qilganini va tinchlik tashuvchisi ekanini ta’kidladi.
Tayani 9 mart kuni Shveysariya radiotelevideniyesiga Ukraina bo‘yicha bergan intervyusida katoliklarning ma’naviy rahbari va Vatikan prezidenti Rim papasi Frensisning so‘zlarini eslatdi: «Men ishonamanki, kuchlisi kuchliroqdir. Kim vaziyatni ko‘radi, kim o‘z xalqini o‘ylaydi, kim oq bayroq ko‘tarib, muzokara qilishga jur’at etadi”, deb javob berdi.
"Rim papasining so‘zlari buzib ko‘rsatilgan va u aslida tinchlikni xohlaydi va bunga erishish uchun muzokaralar stolida uchrashuvga chaqirmoqda."
