Ukraina yangiliklari: Shimoliy koreyslar Rossiya uchun kurashda jonini berdi
- Жанр: Yangiliklar
- Смотрели: 0
- Формат: mp4
- Дата релиза: 09-10-2024, 19:36
Shimoliy Koreya askarlari Ukrainada jang qilmoqda, ularning ba’zilari halok bo‘ldi, deydi Seul.
Janubiy Koreya Shimoliy Koreya qo‘shinlari Ukrainada ruslar bilan birga jang qilayotgani va ularning ba’zilari o‘ldirilgani «ehtimoli yuqori»ligini aytdi.
Janubiy Koreya mudofaa vaziri Kim Yon Xyon parlamentdagi tinglovda Ukrainada Shimoliy Koreya harbiy zobitlari o‘ldirilgani haqida xabarlar borligini ma’lum qildi.
«Biz turli vaziyatlarni hisobga olgan holda Ukrainada Shimoliy Koreya zobitlari va askarlari orasida qurbonlar bo‘lishi ehtimoli yuqori, deya hisoblaymiz», — dedi u.
Kimning aytishicha, Shimoliy Koreya yetakchisi Kim Chen In va Rossiya prezidenti Vladimir Putin o‘rtasida iyun oyida imzolangan o‘zaro mudofaa shartnomasi doirasida Shimoliy Koreya qo‘shinlari ko‘proq joylashtirilishi kutilmoqda.
Ukraina matbuoti 3 oktabr kuni Donetsk yaqinidagi Rossiya tomonidan bosib olingan hududga Ukraina raketa hujumi oqibatida Shimoliy Koreyaning olti harbiy zobiti halok bo‘lganini xabar qilgan edi.
Seul Pxenyanni Rossiyaga qurol jo‘natganlikda aybladi, Shimoliy Koreya ham, Moskva ham buni rad etdi.
Ayni paytda ekspertlar Shimoliy Koreya qurol yetkazib berishdan jangovar tajriba uchun qo‘shin yuborishga o‘tayotganini aytishmoqda.
