Xarris: Tramp urushni bir kunda tugatishi mumkin, deb gapiradi. Bu nima degani, bilasizmi?
- Жанр: Yangiliklar
- Смотрели: 1
- Формат: mp4
- Дата релиза: 09-10-2024, 17:36
AQShda bo‘lajak saylovlarda demokrat nomzod Kamala Xarris Rossiya prezidenti Vladimir Putin bilan muzokaralarda Ukraina vakili bo‘lmasa, urushni tugatish masalasini muhokama qilish uchun uchrashmasligini aytdi.
«Ukrainasiz ikki tomonlama bo‘lmaydi. Ukraina Ukraina kelajagi uchun o‘z so‘zini aytishi kerak», dedi AQSh vise-prezidenti CBS telekanalining «60 daqiqa» ko‘rsatuvida.
Jo Bayden ham shu paytgacha rossiyalik hamkasbi bilan bu masalani muhokama qilish uchun uchrashmagan.
Xarris, shuningdek, Vashingtonning Kiyevga harbiy va moliyaviy yordamini qisqartirish tarafdori bo‘lgan respublikachi nomzod Donald Trampni ham tanqid qildi.
"Donald Tramp, agar u prezident bo‘lganida, Putin hozir Kiyevda o‘tirgan bo‘lardi. U buni bir kunda tugatishi mumkin, deb gapiradi. Bu nima, bilasizmi, bu taslim bo‘lish, - dedi u.
Tramp uning ma’muriyati ostida qisqa vaqt ichida Moskva bilan tinchlikka erishish mumkinligini bir necha bor ta’kidlagan.
Ukrainada bunday tinchlik Rossiya bosib olgan hududdan voz kechishni anglatadi, degan xavotir bor.
Xarris, shuningdek, Ukrainaning NATOga a’zo bo‘lishini qo‘llab-quvvatlashini ta’kidladi.
