Rossiya Tojikistonga 300 mingdan ortiq rus tili darsliklarini sovg‘a qildi
- Жанр: Yangiliklar
- Смотрели: 3
- Формат: mp4
- Дата релиза: 07-10-2024, 11:32
«Mening tarixim» jamg‘armasi Rossiya Ta’lim vazirligi ko‘magida 3 oktabr kuni Tojikiston Ta’lim vazirligiga 1-11-sinf o‘quvchilari uchun 371 mingdan ortiq rus tili darsliklarini topshirdi.
Darsliklar rus tilida olib boriladigan maktablar uchun mo‘ljallangan. Bu haqda “Asia-Plus”ga darslik va ilmiy-metodik kitoblarni ishlab chiqish, chop etish va tarqatish markazi direktori Navro‘z Mirzo ma’lum qildi.
Navro‘z Mirzo, shuningdek, tojik maktablari uchun 2-sinfdan 11-sinfgacha darsliklar ishlab chiqilib, moslashtirilgani, biroq ayni damda faqat ikkinchi sinflar uchun darsliklar chop etilib, tarqatilganini ta’kidladi.
Kitoblarning bir qismi Rossiyada, bir qismi Tojikistonda nashr etilgan. Dastur Tojikistonning ijtimoiy-madaniy va geografik xususiyatlarini hisobga olgan holda moslashtirilgan darsliklarni yanada kengaytirish va muntazam yetkazib berishni nazarda tutadi.
Darsliklarni ishlab chiqish va moslashtirishda har ikki davlat mutaxassislari ishtirok etgan va materiallarning yakuniy ekspertizasi iyul oyida Tojikiston Ta’lim vazirligida bo‘lib o‘tgan.
