Rossiyada tojik diasporasi qo‘rquv va xavotirlar ostida yashamoqda
- Жанр: Yangiliklar
- Смотрели: 17
- Формат: mp4
- Дата релиза: 30-03-2024, 16:16
Evropalik yoki "slavyan bo‘lmagan" odamlar uchun Rossiya poytaxtida kvartira topish har doim qiyin bo‘lgan va bu endi yanada qiyinlashadi. Moskvada yashovchi 35 yoshli tojikistonlik Atovulloning Eurasianet nashriga aytishicha, uy egasi “Krokus” fojiasidan so‘ng darhol uni hech qanday izohsiz uydan chiqarib yuborgan.
“O‘tgan yillar davomida Rossiyada vaziyat og‘ir edi. <…> Hozir ko‘chada yurishning iloji yo‘q, hamma sizdan qo‘rqadi, sizdan qochadi”, dedi Atovullo Eurasianet nashriga bergan intervyusida.
Atovulloning ta’kidlashicha, u Tojikistonga qaytishga qaror qilgan, chunki asosan yosh bolalari dushmanlik muhitida yashashga majbur bo‘lishidan qo‘rqmoqda.
2023 yilgi rasmiy ma’lumotlarga ko‘ra, Rossiyada 1,3 mln ga yaqin tojikistonlik istiqomat qiladi. Biroq bu raqam norasmiy yashovchi tojikistonliklar hisobiga ortishi mumkin. Shuningdek, ko‘plab tojiklar allaqachon Rossiya fuqaroligini olgan.
“Krokus” fojiasidan so‘ng ijtimoiy tarmoqlarda muhojirlarni ommaviy deportasiya qilish bo‘yicha yangi chaqiriqlar, ba’zan esa yanada radikalroq bayonotlar paydo bo‘ldi. Taksi ilovalari orqali safarga buyurtma bergan odamlar buyurtmani qabul qilishga rozi bo‘lishdan oldin haydovchi tojikmi yoki yo‘qmi, deb so‘ray boshlagan.
Sankt-Peterburgdagi Yandex taksida yarim kunlik ishlaydigan 23 yoshli tojikistonlik Nekruzning aytishicha, o‘nlab potensial mijozlar undan qayerdanligini so‘rashmoqda. Uning tojikistonlik ekanini bilib, buyurtmani bekor qilishmoqda.
“Bir hovuch odamlar butun bir xalqni sharmanda qildi. Endi ular bizga la’natlangandek qarashyapti”, - deydi Eurasianet nashriga. “Shaharda yurganingizda, o‘zingizni xavfsiz his qilmaysiz. Ijtimoiy tarmoqlardagi yopiq guruhlarda odamlar guruhlar yaratib, qasos olmoqchi bo‘lgan izohlarni ko‘rish mumkin”, — deya qo‘shimcha qildi u.
Rossiyada istiqomat qiluvchi yana bir tojikistonlik Dilorom qo‘rquvdan ortiga qarab-qarab yurishini ta’kidladi.
“Men ko‘chaga chiqmayapman va dushanba kunlari ishga bormayapman, - deydi u intervyuda. - Agar men g‘azablanganlar [ksenofoblar] qo‘liga tushib qolsam, tirik chiqib ketishimga ishonchim yo‘q”.
