Joylashtirish vositalarining xalqaro bronlash tizimidagi faoliyati tahlil qilinmoqda
- Жанр: Yangiliklar
- Смотрели: 15
- Формат: mp4
- Дата релиза: 30-03-2024, 15:20
Xususan, joriy yilning 15 yanvar holatiga asossiz toifa qo‘yganlar bo‘yicha 175 ta, sertifikatsiz hamda reestrga kiritilmasdan faoliyat ko‘rsatayotganlar bo‘yicha 234 ta, joylashtirish vositasi turini, nomini, manzilini noto‘g‘ri qo‘yganlar bo‘yicha 49 ta, jami 458 ta holat aniqlandi.
Mehmonxona xizmati foydalanuvchilariga asosli va to‘g‘ri ma’lumotlar taqdim etilishini ta’minlash maqsadida manfaatdor tashkilotlar mutaxassislari bilan birgalikda bir qator ishlar olib borildi va quyidagi natijalarga erishildi.
Asossiz toifa (yulduz) qo‘yganlar bo‘yicha 69 ta, sertifikatsiz hamda reestrga kiritilmasdan faoliyat ko‘rsatayotganlar bo‘yicha 144 ta, joylashtirish vositasi turini, nomini, manzilini noto‘g‘ri qo‘yganlar bo‘yicha 19 ta, jami 232 ta holat bartaraf etildi.
Xususan, yurtimizda faoliyat olib borayotgan 67 ta joylashtirish vositalarining xalqaro bronlash tizimidagi toifa ma’lumotlari to‘g‘rilandi. Sertifikatsiz faoliyat yuritayotgan 4 ta joylashtirish vositasi o‘rnatilgan tartibda sertifikatlandi.
Joylashtirish vositalarining xalqaro onlayn bronlash tizimidagi ma’lumotlarini monitoring qilish hamda asossiz ma’lumotlarni to‘g‘rilash ishlari muntazam davom ettiriladi.
Shu bilan birga, kelgusida mazkur onlayn bronlash tizimlarida asossiz ma’lumotlarni qo‘ygan joylashtirish vositalari to‘g‘risida ma’lumotlarni OAVda yoritib boriladi.
