Navoiyda ijaraga berilgan 1 gektar yerni 5 ming dollarga sotishga uringan shaxs ushlandi
- Жанр: Yangiliklar
- Смотрели: 16
- Формат: mp4
- Дата релиза: 30-03-2024, 13:14
Qayd etilishicha, Davlat xavfsizlik xizmati va departamentning Navoiy viloyati boshqarmasi tomonidan tezkor tadbir o‘tkazilgan. Tadbirda Xatirchi tumani o‘rmon xo‘jaligidan 49 yil muddatga ishlab chiqarish uchun ijaraga olingan 1 gektar yer maydonini 5 ming dollarga sotmoqchi bo‘lgan fuqaro ushlangan.
Er maydoni Zarafshon daryosiga 500 metr yaqinligi, hujjatlarda 1 gektar ko‘rsatilgan bo‘lsa-da aslida egallab olingan hudud 1,5 gektarni tashkil etishi, bundan o‘rmon xo‘jaligi xodimining ham xabari borligi aytilgan. Shuningdek, gumonlanuvchi o‘rmon xo‘jaligidagi tanishi yordamida yerni rasmiylashtirib berganidan so‘ng qo‘shimcha 1000 dollar miqdorida pul talab qilgan.
Holat yuzasidan jinoyat ishi qo‘zg‘atilib, hozirda surishtiruv harakatlari olib borilmoqda.
