Isroil G‘azoga oziq-ovqat yetkazib berishni keskin qisqartirdi
- Жанр: Yangiliklar
- Смотрели: 0
- Формат: mp4
- Дата релиза: 04-10-2024, 13:41
Isroil rasmiylari o‘tgan oy joriy etgan yangi bojxona qoidalari tufayli so‘nggi haftalarda G‘azoga oziq-ovqat yetkazib berish keskin kamaydi. Bu haqda gumanitar yordam ko‘rsatishda ishtirok etgan manbalarga tayanib, Reuters xabar bermoqda.
Ushbu qoidaga ko‘ra, gumanitar tashkilotlar vakillari shaxsiy ma’lumotlarni, jumladan, pasport ma’lumotlarini taqdim etishlari va yuk haqidagi yolg‘on ma’lumotlar uchun javobgarlikni o‘z zimmalariga olishlari shart.
✍️ Xayriya tashkilotlari bunday hujjatlarni imzolash, agar yordam XAMAS qo‘liga tushsa yoki Isroil yuklarning birortasini qoidalarni buzgan deb hisoblasa, o‘z xodimlarini huquqiy xavf ostiga qo‘yishidan qo‘rqishadi.
Ushbu muammo tufayli, sentyabr oyi o‘rtalaridan boshlab insonparvarlik yordamining asosiy kanali bo‘lgan Iordaniya yo‘li orqali etkazib berish to‘xtatildi.
❕ G‘azoga kirib kelayotgan oziq-ovqat yuk mashinalari soni kuniga 130 tagacha kamaydi - aholining asosiy ehtiyojlarini qondirish uchun zarur bo‘lgan 600 tadan ancha past.
