Surxondaryoda Labo boshqarib ketayotgan yosh bolaning otasiga chora ko‘rildi
- Жанр: Yangiliklar
- Смотрели: 1
- Формат: mp4
- Дата релиза: 24-09-2024, 10:41
Ma’lum qilinishicha, Angor tumani Zartepa mahallasida yashovchi fuqarolar mahalla hududidan o‘tgan yo‘lda yosh bolaning "Labo" rusumli kichik yuk mashinasini boshqarib yurganiga bir necha marta guvoh bo‘lishgan.
Shundan so‘ng ular mahallaga biriktirilgan YPX xodimlariga holat haqida xabar berib, ushbu huquqbuzarlikni bartaraf etishni so‘ragan.
Holat Angor tumani IIB YHXB xodimi tomonidan o‘rganilib, 7-sinf o‘quvchisi bo‘lgan bola mashina boshqarib ketayotganida to‘xtatilgan.
YHXB boladan mashinani kim berganini so‘raganda, 13 yoshli o‘quvchi Laboni otasi berganini aytgan.
Qayd etilishicha, holat bolaning otasi ishtirokida muhokama qilingan va unga nisbatan belgilangan tartibda ma’muriy bayonnoma rasmiylashtirilgan.
