Eron prezidenti sunniylarning kamdan-kam hollarda yuqori lavozimga tayinlanishini ma’qulladi
- Жанр: Yangiliklar
- Смотрели: 4
- Формат: mp4
- Дата релиза: 05-09-2024, 12:40
Eron prezidenti Masud Pezeshkian o‘tgan hafta sunniy ozchilikdan bo‘lgan siyosatchini qishloq taraqqiyoti bo‘yicha vise-prezident etib tayinladi, deya xabar beradi rasmiy OAV.
«Prezidentning farmoni bilan Abdolkarim Husaynzoda qimmatli tajribasi tufayli mamlakatning qishloq va noqulay hududlarini rivojlantirish bo‘yicha vise-prezident lavozimiga tayinlandi», — deyiladi prezident saytida.
Sunniy musulmonlar Eron aholisining qariyb 10% ni tashkil qiladi va 1979 yilgi inqilobdan keyin kamdan-kam hollarda asosiy hokimiyat lavozimlarini egallab keladi, shundan so‘ng shia islomi rasmiy davlat dini sifatida tan olingan.
Yuqori lavozimga tayinlangan 44 yoshli islohotchi, asli kurd bo‘lgan Husaynzoda 2012 yildan beri Eron parlamentida shimoli-g‘arbiy Nag‘ade va Oshnaviye shaharlari vakili bo‘lib kelgan. Siyosatchi bir necha bor Erondagi sunniylar huquqlarini himoya qilib chiqqan.
Amaldagi prezident Masud Pezeshkian o‘zining saylovoldi kampaniyasida sunniylar va etnik ozchiliklarga, jumladan kurdlar va ozarbayjonlarga nisbatan kamsitishlarga qarshi chiqdi.
E’tiborlisi, islohotchi prezident Pezeshkianning o‘zi etnik ozarbayjon. Dastlabki intervyusida Pezeshkian Ozarbayjonning Mehobod shahrida tug‘ilganini va «farzandlarimning uyda fors tilida gaplashishiga hech qachon ruxsat bermaganini» aytdi.
