Toshkentda qabristondagi qabr toshlarini sindirib tashlagan yigitga sud hukmi o‘qildi
- Жанр: Yangiliklar
- Смотрели: 18
- Формат: mp4
- Дата релиза: 29-03-2024, 13:44
Ma’lum qilinishicha, 1995 yilda tug‘ilgan yigit qabr toshlarini sindirib, atrofga uloqtirgan. Qabrlarni ustidagi temirlarni titib tashlagan.
Yigitning otasi aynan o‘sha qabristonga dafn etilganligi uchun yigit bu holatni sodir qilganligi aytildi.
Hozirda 9 ta qabr yigitning uydagilari tomonidan tiklab berilgan.
Ushbu holat yuzasidan sud ishi JIB Yangihayot tumani sudida ko‘rib chiqildi.
"Dadam olamdan o‘tib qolganlarida, his-tuyg‘ularim yomon kechdi. Juda siqilib ketganimdan mast holatda bu ishlarni qildim. Pushaymonman, hammadan kechirim so‘rayman",- deydi yigit.
Sud hukmiga ko‘ra, sudlanuvchi JKning 134-moddasida nazarda tutilgan jinoyatni sodir etganlikda aybli deb topilib, unga nisbatan 3 yil muddatga ozodlikni cheklash jazosi tayinlandi.
