Rossiyada 2024 yil oxirigacha taksi haydovchilarining taqchilligi 130 ming kishini tashkil qiladi
- Жанр: Yangiliklar
- Смотрели: 1
- Формат: mp4
- Дата релиза: 04-09-2024, 15:04
Bunday prognozni Sharqiy iqtisodiy forum chog‘ida "Yandeks Go"ning hukumat ishlari bo‘yicha direktori Anton Petrakov berdi.
Uning so‘zlariga ko‘ra, bu, jumladan, immigrasiya siyosati va taksilarda tartibga solishning qat’iylashtirilgani bilan bog‘liq. «Haydovchilar daromadlari solishtirish mumkin bo‘lgan boshqa hududlarga ko‘chib o‘tmoqda, ammo talablar va xarajatlar kamroq», dedi Petrakov.
Haydovchilarning etishmasligi taksi narxini oshirmoqda. Kuz va qish oylarida eng yuqori soatlarda narxlar «o‘nlab foizga» ko‘tarilishi mumkin, dedi Petrakov.
Avvalroq agentlik muhojirlarning mehnatiga cheklovlar Rossiya viloyatlarining uchdan birida, shuningdek, Rossiya tomonidan anneksiya qilingan Qrimda joriy etilganini hisoblab chiqqandi. Ko‘pincha migrantlarga taksida ishlash taqiqlanadi. Bunday taqiqlar 27 ta hududda amal qiladi.
????2023 yil oktabr oyida Davlat Dumasiga qonun loyihasi kiritilgan bo‘lib, unga ko‘ra, chet el fuqarolarining butun mamlakat bo‘ylab maktablarda, farmasevtika sektorida, davlat tibbiyot muassasalarida, taksi va yuk tashishda ishlashini taqiqlash taklif qilingan.
????2023 yil noyabr oyida Davlat Dumasi spikeri o‘rinbosari Pyotr Tolstoy «Rossiyaning muhojirlarga nisbatan passiv pozisiyasi»dan afsusda ekanligini bildirdi. U ayrim postsovet respublikalaridan kelgan odamlarga kurer, taksi haydovchisi va sotuvchi bo‘lib ishlashni taqiqlashni taklif qildi.
