Niderlandiya Ukrainaga 200 million yevrolik yangi yordam paketi ajratdi
- Жанр: Yangiliklar
- Смотрели: 1
- Формат: mp4
- Дата релиза: 02-09-2024, 21:14
Bu haqda Niderlandiya bosh vaziri Dik Sxof Zaporojye shahriga tashrifi chog‘ida ma’lum qildi.
"Biz Ukrainaga yordam berish uchun hamma narsani qilishimiz kerak", dedi u. Bosh vazirning so‘zlariga ko‘ra, mablag‘lar birinchi navbatda energetika infratuzilmasini himoya qilish va ta’mirlash, shuningdek, insonparvarlik yordamini ko‘rsatishga yo‘naltiriladi.
Ukrainaga bu tashrif Sxofning Niderlandiya Bosh vaziri sifatidagi birinchi tashrifi bo‘ldi. Unda u Ukraina prezidenti Vladimir Zelenskiy bilan uchrashdi, maktabga tashrif buyurdi va faxriylar bilan uchrashdi.
Niderlandiya Mudofaa vazirligi iyun oyi o‘rtalarida xabar qilganidek, harbiy harakatlar boshlanganidan beri Niderlandiya tomonidan Ukrainaga ko‘rsatilgan yordamning umumiy miqdori 3,1 milliard yevroni tashkil qilgan. Qirollikning avvalgi hukumati 2025 yilda Kiyevni qo‘llab-quvvatlash uchun byudjetda 3 milliard yevro ajratgan edi. Niderlandiya Ukrainani F-16 qiruvchi samolyotlari bilan ta’minlovchi koalisiyada va uchuvchilarni tayyorlashda ham katta rol o‘ynaydi.
