Ukraina Mo‘g‘ulistonga: Putinni hibsga olinglar!
- Жанр: Yangiliklar
- Смотрели: 2
- Формат: mp4
- Дата релиза: 31-08-2024, 18:38
Ukraina Mo‘g‘ulistonni Rossiya prezidenti Vladimir Putin kelasi hafta mamlakatga tashrif buyurganida xalqaro order bilan hibsga olishga chaqirdi.
Mo‘g‘uliston Xalqaro jinoiy sud (XJS) a’zosi bo‘lib, tashkilot Rossiya rahbarini 2023 yilda hibsga olishga order bergan va uni yuzlab bolalarni Ukrainadan noqonuniy ravishda deportasiya qilishda ayblagan.
Moskva bu ayblovni rad etib, uni siyosiy motiv deb atagan.
Bu order sudga a’zo 124 davlatni, jumladan Mo‘g‘ulistonni Putin o‘z hududiga qadam qo‘ysa, hibsga olishga majbur qiladi.
«Ukraina tomoni Mo‘g‘uliston hukumati Vladimir Putin harbiy jinoyatchi ekanligidan xabardor bo‘lishiga umid qiladi», — dedi Ukraina Tashqi ishlar vazirligi. «Biz Mo‘g‘uliston rasmiylarini hibsga olish uchun majburiy bo‘lgan xalqaro orderni bajarishga chaqiramiz».
Biroq Putinning matbuot kotibi Dmitriy Peskov hibsga olish tahdidini rad etdi.
«Biz xavotirda emasmiz. Mo‘g‘ulistondagi do‘stlarimiz bilan ajoyib muloqotni davom ettirmoqdamiz», dedi u.
Bu Putinning 2022 yil fevralida Ukrainaga keng miqyosli bostirib kirishini boshlaganidan buyon XJS`ga a’zo davlatga birinchi safari bo‘ladi.
