Migrasiya qonunchiligini buzgan 120 nafar muhojir Rossiyadan chiqarib yuboriladi
- Жанр: Yangiliklar
- Смотрели: 3
- Формат: mp4
- Дата релиза: 31-08-2024, 11:28
Rossiya IIVning “PushkinskoYE” migrasiya departamenti xodimlari Rossiya gvardiyasi ko‘magida noqonuniy migrasiyani aniqlash va unga chek qo‘yish doirasida MDH davlatlarida va Afrikadan kelgan muhojirlar bo‘lgan omborni tekshirdi.
Reyd davomida 120 nafar chet el fuqarosiga nisbatan Rossiya hududida bo‘lish rejimini buzganliklari uchun ma’muriy bayonnomalar tuzilgan, shundan 19 nafar muhojir Rossiyadagi noqonuniy mehnat faoliyati uchun va yana biri ma’muriy jazoni ijro etishdan bo‘yin tovlaganlik uchun javobgarlikka tortilgan.
Ayni paytda ichki ishlar organlari xodimlari tomonidan noqonuniy migrasiya tashkilotchilarini aniqlash va qo‘lga olishga qaratilgan qo‘shimcha choralar ko‘rilmoqda.
8 avgust kuni Rossiya prezidenti Vladimir Putin mamlakatda noqonuniy migrantlarga tegishli yangi migrasiya deportasiyasi rejimini joriy etish to‘g‘risidagi qonunni imzolagan edi. Qabul qilingan qonun nazorat ostidagi shaxslar reestrini yaratishni nazarda tutadi. Deportasiyaga qadar chet el fuqarosi yoki fuqaroligi bo‘lmagan shaxs maxsus muassasaga joylashtiriladi. U mamlakatni tark etgach, rejim o‘z faoliyatini to‘xtatadi.
