Ukraina berilgan va’dalarni talab qilyapti
- Жанр: Yangiliklar
- Смотрели: 2
- Формат: mp4
- Дата релиза: 29-08-2024, 16:16
Ukraina tashqi ishlar vaziri Dmitriy Kuleba Yevropa Ittifoqi tashqi ishlar vazirlarining Bryusseldagi yig‘ilishiga tashrif buyurar ekan, ittifoqchilarni Ukraina uchun havo hujumidan mudofaa raketa tizimlari haqidagi va’dalarni bajarishga undashini aytdi.
«Ba’zi Patriot tizimlari e’lon qilingan va hali etkazib berilmagan», dedi Kuleba - «Men o‘z va’dalarini bergan barcha hamkorlarni nihoyat ushbu tizimlarni yetkazib berishga chaqiraman».
Bir qancha davlatlar Ukrainani havo hujumidan mudofaa raketa tizimlari bilan ta’minlashga va’da berishdi, ammo Kulebaning aytishicha, e’lon qilish va yetkazib berish o‘rtasidagi kechikishlar «ba’zida juda uzoq».
U, shuningdek, Yevropa Ittifoqi davlatlarini Buyuk Britaniya va Qo‘shma Shtatlarga Rossiyaning ichidagi «qonuniy» nishonlar uchun hadya qilingan uzoq masofali qurollardan foydalanishga cheklovlarni olib tashlash borasida bosim o‘tkazishga chaqirdi.
«Bosqin boshidanoq AQSH, Buyuk Britaniya, Yevropa Ittifoqi va boshqa davlatlar koalisiya sifatida harakat qilmoqda», dedi Kuleba - «Men Yevropa Ittifoqini rol o‘ynashga va bu sur’atni saqlab qolishni istasak, buni hozir qilish kerakligi haqida juda aniq va qat’iy fikr bildirishga chaqiraman».
Rossiya bilan mojaroning kuchayishidan qo‘rqib, Britaniya ham, AQSh ham Kiyevning hadya qilingan uzoq masofali raketalardan foydalanishiga chek qo‘ygan.
