Turkiya o‘z kuchini dengizlarda ko‘rsatdi
- Жанр: Yangiliklar
- Смотрели: 3
- Формат: mp4
- Дата релиза: 26-08-2024, 07:50
24 avgust kuni Aksaz kemasozlik qo‘mondonligida dengiz platformalarini topshirish marosimida Prezident Rajab Toyyib Erdo‘g‘an Turkiya Qurolli kuchlarini yanada mustahkamlashga qaratilgan sa’y-harakatlar davom etishini aytdi.
“Erimizda tinch-totuv yashash uchun biz hududiy suvlarimizda ham, chekka hududlarda ham qudratli va samarali flotga ega bo‘lish zarurligini tushunamiz. Shu tushuncha bilan 2002 yildan beri «Kuchli Turkiya, Kuchli Armiya» shiori ostida Qurolli Kuchlarimizni har sohada mustahkamlashga intilyapmiz. Armiyani mustahkamlash missiyamizning markaziy qismi dengiz flotimizning imkoniyatlari va to‘xtatuvchi kuchini oshirishdir”, dedi u.
Ochilish marosimidan so‘ng, havodan mustaqil harakatlanish tizimi bilan jihozlangan birinchi mahalliy ishlab chiqarilgan suv osti kemasi ishga tushirildi.
Ushbu zamonaviy suv osti kemasi Turkiya Harbiy-dengiz kuchlarini shu turdagi oltita suv osti kemasi bilan jihozlashni nazarda tutuvchi Yeni Tip Denizaltı - Piri Reis loyihasi doirasida yaratilgan. Loyihaga muvofiq, qolgan beshta suv osti kemasini ishga tushirish to‘rt yil davomida bosqichma-bosqich amalga oshiriladi.
Prezident Erdog‘an, «Piri Reis» suv osti kemasi 380 dan ortiq zavod va navigasiya tizimi qabul sinovlaridan muvaffaqiyatli o‘tganini va boshqa mamlakatlar suv osti kemalaridan sezilarli darajada ustun bo‘lgan jangovar va texnik xususiyatlarga ega ekanligini aytdi.
Prezident, shuningdek, Turk dengiz kuchlarini jihozlash uchun barcha manbalar, platformalar va tizimlar safarbar qilinganini ta’kidladi.
