Meksika AQShga nota yubordi
- Жанр: Yangiliklar
- Смотрели: 4
- Формат: mp4
- Дата релиза: 24-08-2024, 23:06
«AQSh elchisining faqatgina Meksika vakolati ostida bo‘lgan ushbu masala bo‘yicha pozisiyasini bildiruvchi bayonoti Meksikaning suverenitetiga zid, qabul qilib bo‘lmaydigan aralashuvdir», — deyiladi Amerika elchixonasiga yo‘llangan notada.
Diplomatlar, shuningdek, Salasarning bayonoti «hukumatlar o‘rtasidagi munosabatlarni ifodalovchi o‘zaro hurmat darajasini aks ettirmasligini» qayd etdi.
Hujjatda ko‘rsatilishicha, mamlakatda ishga tushirilgan sud islohoti huquqiy davlatni mustahkamlashga qaratilgan va Meksika Konstitusiyasiga qat’iy rioya qilingan holda amalga oshirilmoqda.
22 avgust kuni AQShning Meksikadagi elchisi sudyalarni to‘g‘ridan-to‘g‘ri saylash rejasini tanqid qilgandi. Uning fikricha, bu Meksika demokratiyasi uchun jiddiy xavf tug‘diradi, chunki «kartellar va boshqa yovuz niyatli kimsalar o‘z manfaatlari yo‘lida siyosiy o‘smoqchi bo‘lgan va tajribasiz sudyalardan foydalanishi mumkin».
Islohotlarga ko‘ra, Oliy sud sudyasi lavozimiga nomzodni jamoatchilik muhokamasiga qo‘yish mumkin bo‘ladi. Bundan tashqari, mamlakat shtatlarining sud organlari ham o‘z magistrat va sudyalarini, shuningdek, mustaqil ma’muriy va intizom organlarini bevosita saylash qoidalarini o‘rnatishlari kerak.