FSB AQSh va Ukraina jurnalistlariga qarshi jinoiy ish qo‘zg‘atdi
- Жанр: Yangiliklar
- Смотрели: 5
- Формат: mp4
- Дата релиза: 22-08-2024, 15:04
FSB CNN muxbiri Nik Peyton Uolsh va ukrainalik jurnalistlar Olesya Borovik va Diana Busko tomonidan Sudja hududidagi Kursk viloyati chegarasini noqonuniy kesib o‘tish bo‘yicha jinoiy ish qo‘zg‘atilganini ma’lum qildi, deb xabar beradi «Interfaks» xizmati.
Jurnalistlar Ukraina Qurolli kuchlari Kursk viloyati hududiga bostirib kirganidan keyin Sudja qanday ko‘rinishga ega bo‘lganligi haqidagi reportajlarni suratga olishdi.
FSB jurnalistlar tez orada xalqaro qidiruvga berilishini ma’lum qildi.
17 avgust kuni RAI teleradiokompaniyasining italiyalik jurnalistlari Stefaniya Battistini va Simone Treiniga nisbatan ham xuddi shunday jinoiy ish qo‘zg‘atilgani ma’lum bo‘ldi, ular ham reportajni suratga olish uchun Sudjaga borgan. Teleradiokompaniya jurnalistlarni «xavfsizligi va shaxsiy himoyasini kafolatlash» uchun Italiyaga chaqirdi.
Shundan so‘ng Rossiya Tashqi ishlar vazirligi Italiyaning Rossiyadagi elchisini chaqirib, jurnalistlarning xatti-harakatlariga norozilik bildirdi, bunga Italiya TIV jurnalistlar o‘z ish safarlarini mustaqil ravishda rejalashtirishlari haqida javob berdi.
