Rossiyaning muzlatilgan pullaridan tushgan foyda o‘z joyini topdi
- Жанр: Yangiliklar
- Смотрели: 7
- Формат: mp4
- Дата релиза: 21-08-2024, 16:36
Evroittifoq mamlakatlarida muzlatilgan Rossiya aktivlaridan tushgan daromadning bir qismi Ukrainani o‘q-dorilar bilan ta’minlashga yo‘naltiriladi. Ularni Chexiya sotib oladi, dedi mamlakat mudofaa vaziri Yana Chernoxova. U aniq miqdorni aytmadi, lekin «yuz minglab» yirik kalibrli o‘q-dorilarni yetkazib berish shu tarzda moliyalashtirilishini ta’kidladi.
«Bu Ukrainani qo‘llab-quvvatlash, Rossiyaga tegishli bo‘lgan resurslardan foydalanish va Yevropa davlatlarining davlat moliyasini saqlab qolish uchun noyob imkoniyatdir», dedi Chernoxova. Mudofaa vazirligining qo‘shimcha qilishicha, yetkazib berish «yaqin oylarda» tashkil etiladi, shuning uchun snaryadlar tez orada jang maydonida bo‘ladi.
Chexiya prezidenti Petr Pavel fevral oyida Myunxen xavfsizlik konferensiyasida Ukraina uchun uchinchi davlatlardan o‘q-dorilar sotib olisjni taklif qilgan edi. Uning so‘zlariga ko‘ra, respublika Yevropa Ittifoqidan tashqarida yarim million 155 mm va 300 ming 122 millimetrli snaryadlar topdi, agar ittifoqchilar mablag‘ ajratsa, ular bir necha hafta ichida Kiyevga yetkazilishi mumkin. Natijada 18 davlat tashabbusga qo‘shildi. Ukraina Qurolli kuchlari snaryadlarning birinchi partiyasini iyun oyida oldi va hozirda har oyda bir vaqtning o‘zida 50-100 ming dona yetkazib berilmoqda.
