Isroil G‘azoda o‘t ochishni to‘xtatish bo‘yicha AQSh shartlarini qabul qildi - Davlat departamenti
- Жанр: Yangiliklar
- Смотрели: 4
- Формат: mp4
- Дата релиза: 20-08-2024, 22:22
Isroil AQShning G‘azo sektorida HAMAS terrorchilik guruhi tomonidan garovga olinganlarni ozod qilish evaziga o‘t ochishni to‘xtatish haqidagi so‘nggi takliflarini qo‘llab-quvvatladi. Bu haqda dushanba kuni AQSh davlat kotibi Entoni Blinken Isroil hukumati rahbari Benyamin Netanyaxu bilan uch soatlik uchrashuvdan so‘ng ma’lum qildi, deya xabar beradi «Amerika Ovozi».
«Endi navbat XAMASda ham shunday qilish kerak», dedi Blinken jurnalistlarga. AQSh Davlat kotibi erishilgan kelishuvlar mohiyatiga aniqlik kiritmadi. Netanyaxu bilan uchrashgach, muzokaralarni davom ettirish uchun darhol Qatarga, so‘ngra Misrga yo‘l oldi.
AQSh taklifi olti oy davom etadigan sulhni talab qiladi. Bu uch bosqichli jarayonni o‘z ichiga oladi, unda HAMAS o‘tgan yilning 7 oktyabrida Isroil janubiga hujum paytida garovga olingan barcha asirlarni ozod qiladi. Buning evaziga Isroil o‘z kuchlarini G‘azo sektoridan olib chiqib, falastinlik mahbuslarni ozod qiladi. Sulh shuningdek, to‘liq o‘t ochishni to‘xtatish shartlari bo‘yicha muzokaralar boshlanishini ham nazarda tutadi.
