Eron AQSh prezidentlik saylovlariga ta’sir o‘tkazishga harakat qildi
- Жанр: Yangiliklar
- Смотрели: 4
- Формат: mp4
- Дата релиза: 20-08-2024, 17:36
Razvedka agentligi bayonotida ta’kidlanishicha, eronliklar joriy saylovlar davrida, jumladan, Amerika jamoatchilik fikri va kiberoperasiyalariga ta’sir o‘tkazishga urinishlar faollashgan. FQB Milliy razvedka direktori idorasi va Kiberxavfsizlik va infratuzilma xavfsizligi agentligi bilan birgalikda e’lon qilingan bayonotda Eron ayniqsa sobiq prezident Trampning saylovoldi kampaniyasini buzishga e’tibor qaratgan.
AQSh razvedkasi Eron "AQSh saylov jarayoniga ta’sir o‘tkazish" uchun "har ikki siyosiy partiyaning prezidentlik kampaniyalariga to‘g‘ridan-to‘g‘ri kirish huquqiga ega bo‘lgan shaxslarga kirishga" intilayotgani haqida xulosa qildi.
Bir haftadan ko‘proq vaqt oldin AQSh prezidentligiga Respublikachilar partiyasidan nomzod Donald Trampning saylovoldi shtab-kvartirasi ichki kommunikasiyalar buzib kirilganini e’lon qilgan edi. Shtab vakillari buning uchun javobgarlikni "AQShga dushman tashqi kuchlar" zimmasiga yuklagan. Politico nashrining yozishicha, iyul oyida muharrirlar Robert ismli akkauntdan yuqori martabali saylov kampaniyasi xodimining ichki yozishmalari, shuningdek, Tramp vise-prezidentlikka nomzod sifatida tanlagan J.D.Vens haqidagi dosyedan iborat elektron xatlarni qabul qila boshlagan. Dosye 2024 yil fevraliga to‘g‘ri keladi va jami 271 sahifadan iborat. U ochiq manbalar asosida tuzilgan. Unda Vensning Trampni tanqid qilgani tilga olinadi. Hujjatda, shuningdek, potensial siyosat zaifliklari ham keltirilgan. Nashr ma’lumotlariga ko‘ra, xuddi shunday dose senator Marko Rubio bo‘yicha ham tuzilgan, u ham vise-prezidentlikka ehtimoliy nomzod sifatida ko‘rilgan. Saylov kampaniyasi matbuot kotibi Stiven Chungning aytishicha, hujum saylovlarga aralashish va demokratik jarayonga tartibsizlik urug‘lantirish maqsadida qilingan. U vakillari buzg‘unchilikni amalga oshirgan davlat nomini aytmadi, biroq Tramp kampaniyasi Microsoftdan hisobot oldi, unga ko‘ra bu Eron edi.
