Zelenskiy: Ukraina qurolli kuchlari Kursk viloyatidagi 92 ta aholi punktini nazorat qiladi
- Жанр: Yangiliklar
- Смотрели: 4
- Формат: mp4
- Дата релиза: 20-08-2024, 14:48
Ukraina Qurolli kuchlari allaqachon Rossiya Federasiyasining Kursk viloyatidagi 1250 kvadrat kilometr hudud va 92 ta aholi punktini nazorat qilmoqda. Bu haqda Ukraina prezidenti Vladimir Zelenskiy xorijiy diplomatik missiyalar rahbarlari bilan uchrashuvda aytib o‘tdi.
Uning so‘zlariga ko‘ra, Ukraina qo‘shinlari Kursk viloyatida o‘z pozisiyalarini mustahkamlashda davom etmoqda, u yerda barqarorlashtirish choralarini ko‘rmoqda va keyinchalik Rossiya tomonida ushlab turilgan ukrainaliklarga almashtirish maqsadida rossiyalik harbiy asirlarni olib bormoqda.
Shu bilan birga, u agar Kiyevning g‘arbiy hamkorlari Rossiya hududida o‘z qurollarini qo‘llash bo‘yicha mavjud barcha cheklovlarni bekor qilganda, Kursk viloyatiga bostirib kirishga hojat qolmagan bo‘lardi, deb ta’kidladi.
Zelenskiyning aytishicha, Rossiya harbiy ob’ektlari Ukraina Qurolli kuchlari uchun «to‘liq adolatli nishon». «Ukrainani Rossiya raketalari va boshqariladigan bombalaridan, rus qo‘shinlarini olib o‘tishdan va asosiy frontning muhim hududlariga bosqinchilar bosimidan himoya qilish uchun bizga etarli masofa kerak», dedi Ukraina rahbari.
