Toshkentdagi UzFood-2024 xalqaro ko‘rgazmasida nimalar namoyish etilmoqda?
- Жанр: Yangiliklar
- Смотрели: 15
- Формат: mp4
- Дата релиза: 28-03-2024, 11:16
Poytaxtdagi “O‘zekspomarkaz”da 26-28 mart kunlari “Oziq-ovqat mahsulotlari, ingrediyentlar va ishlab chiqarish texnologiyalari – UzFood 2024” 23-xalqaro ko‘rgazmasi bo‘lib o‘tmoqda.
Bu yil "UzFood" o‘z tarixidagi eng yaxshi ko‘rsatkichni namoyish etmoqda - ko‘rgazmada 26 ta mamlakatdan 370 tadan ortiq kompaniya ishtirok etmoqda. O‘zbekiston, Avstriya, Ozarbayjon, Belarus, Bolgariya, Vyetnam, Germaniya, Hindiston, Indoneziya, Eron, Italiya, Qozog‘iston, Xitoy, Pokiston, Rossiya, Singapur, Turkmaniston, Turkiya shular jumlasidandir.
Eng ko‘p kompaniyalar Xitoy (116 kompaniya), Rossiya (84), Turkiya (23), Germaniya (21), Belarus (18) tomonidan taqdim etilgan.
Rossiya Federasiyasi stendlari Vladimir, Kurgan, Moskva, Nijniy Novgorod, Omsk, Ryazan viloyatlari, Oltoy va Primorsk o‘lkalari, shuningdek, Moskva tomonidan taqdim etilgan. Ular keng turdagi uskunalar (qadoqlash, go‘shtni qayta ishlash, oziq-ovqat, chakana savdo) va tayyor mahsulotlarni (kungaboqar yog‘i, muzqaymoq, sut konservalari, quruq sut, sariyog‘, ichimliklar, sog‘lom oziq-ovqat, baliq va dengiz mahsulotlari va boshqalar) namoyish etishmoqda.
“Zavodimizda kungaboqar yog‘i ishlab chiqariladi, bu yerda distribyutorlik kompaniyasi tashkil etib, O‘zbekiston bozoriga chiqishni rejalashtirganmiz, – deydi "Altayskoye pomestYE" mas’uliyati cheklangan jamiyati savdo bo‘yicha menejeri Yelena Polyakova.
Bu yil ko‘rgazma pavilyonlari mavzular bo‘yicha ajratilgan. Birinchi pavilyonda ishlab chiqaruvchilar go‘shtni qayta ishlash, sut va yog‘-moy mahsulotlari ishlab chiqarish, qandolatchilik sanoati, non va muzlatgichlar, shuningdek, sabzavot va mevalarni qayta ishlash uchun mo‘ljallangan oziq-ovqat uskunalarini taqdim etilmoqda.
“Biz plastik qadoqlash va aralash materiallar ishlab chiqaruvchilarmiz. Biz O‘zbekistondagi ko‘rgazmaga ilk bor keldik va biz o‘zimizni O‘zbekistondagi sut zavodlari uchun ishlab chiqaruvchi va yetkazib beruvchi sifatida e’lon qilmoqchimiz”, —dedi Sputnik muxbiriga "Kayros" AJ savdo bo‘yicha menejeri Tatyana Sergiyevich.
Ko‘rgazmaning yana bir bo‘limi “Qadoqlash. Uskunalar va materiallar - O’ZuPACK” deb nomlanadi. Qadoqlash sohasi yetakchilari matbaa va fleksografik uskunalar, to‘ldirish va yopish uskunalari, qopqoqlar, yumshoq, qog‘oz va vakuumli qadoqlar, markalash va yorliqlarni taqdim etdi.
Tayyor mahsulotlar, jumladan, go‘sht va parranda go‘shti, sut mahsulotlari, qandolat mahsulotlari, oziq-ovqat mahsulotlari, ichimliklar va oziq-ovqat mahsulotlari ishlab chiqaruvchilari ikkita pavilyonda yig‘ildi.
