Test cinovlari natijasi bo‘yicha apellyasiya shikoyatlarini ko‘rib chiqish 22 avgustdan boshlanadi
- Жанр: Yangiliklar
- Смотрели: 3
- Формат: mp4
- Дата релиза: 20-08-2024, 11:14
Xo‘sh, test sinovlari natijasidan norozi bo‘lgan abituriyentlar qay tartibda shikoyat qilishi mumkin?
Mazkur savol yuzasidan Bilim va malakalarni baholash agentligi direktori maslahatchisi Zohid Shakarov quyidagilarni ma’lum qildi.
– Oliy ta’lim muassasalarining bakalavriat ta’lim yo‘nalishlariga kirish test sinovlari natijasidan norozi bo‘lgan abituriyentlar apellyasiya arizalarini my.uzbmb.uz saytida (shaxsiy kabineti orqali) onlayn tarzda 18 avgustdan 27 avgustga qadar (10 kun davomida) berishi mumkin.
Abituriyent apellyasiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim. Apellyasiya arizasini bergan abituriyentga uni ko‘rib chiqish sanasi va vaqti ko‘rsatilgan xabarnoma beriladi.
Abituriyent xabarnomada belgilangan vaqtda shaxsini tasdiqlovchi hujjat va xabarnoma bilan Bilim va malakalarni baholash agentligiga kelishi kerak. Apellyasiya shikoyatlarini ko‘rib chiqish 2024 yil 22 avgustdan boshlanadi.
