Olmaliq kon-metallurgiya kombinati 2023 yilda 6,7 trillion so‘m sof foyda ko‘rdi
- Жанр: Yangiliklar
- Смотрели: 14
- Формат: mp4
- Дата релиза: 28-03-2024, 10:44
Unda so‘z olgan mas’ullar kombinat 2023 yilda 31,7 trillion so‘mlik sanoat mahsuloti ishlab chiqarganini, 1 milliard 128 million 200 ming dollarlik investisiya loyihalarini amalga oshirib, 661,9 million dollarlik mahsulotlar eksport qilinganini ochiqladi.
Ta’kidlanishicha, kombinatda mahalliylashtirish dasturi bo‘yicha 429 milliard so‘mlik mahsulot tayyorlangan. Mahsulot tannarxini tushirish bo‘yicha 404,7 milliard so‘mlik natija qayd etilgan.
14,95 trillion so‘m mablag‘ esa byudjetga to‘lab berilgan. 6,7 trillion so‘m sof foyda olingan. 163,5 milliard so‘mlik geologiya-qidiruv ishlari bajarilgan.
OKMKda investisiyaviy loyihalar ham muvaffaqiyatli amalga oshirib kelinmoqda. Xususan, “Yoshlik-1” loyihasining tog‘-kon majmuasi bo‘yicha 6 ta ob’ekt, 3-mis boyitish fabrikasi bo‘yicha 6 ta ob’ektning qurilishi yakunlangan. Yangi metallurgiya majmuasining qurilishi bo‘yicha dastlabki loyiha ishlari boshlangan.
Bildirilishicha, “Raqamli OKMK — 2030” konsepsiyasi bo‘yicha kombinatda o‘tgan yilda 34 ta loyiha amalga oshirilgan.
