G‘arbiy Afrikada 7,3 milliondan ortiq odam harbiy mojarolar tufayli qochqinga aylandi
- Жанр: Yangiliklar
- Смотрели: 3
- Формат: mp4
- Дата релиза: 18-08-2024, 21:58
Bu haqda G‘arbiy Afrika mamlakatlari iqtisodiy hamjamiyati (ECOWAS) komissiyasi raisi o‘rinbosari Damtiyen Chinchibidja ma’lum qildi.
"Hozirgi vaqtda ECOWAS mamlakatlarida mojarolar, zo‘ravonliklar va tabiiy ofatlar tufayli 7 million 337 ming kishi majburan ko‘chirilgan, bu raqamga 6 million 526 ming ichki ko‘chirilganlar, shuningdek, 811 ming qochqin kiradi" - dedi u.
Uning so‘zlariga ko‘ra, assosiasiya mamlakatlaridagi ishlarning hozirgi holati davom etayotgan harbiy mojarolar tufayli gumanitar muammolarning keskinlashuvi bilan tavsiflanadi. Bularning barchasi, ayniqsa, Saxel va Chad ko‘li havzasida ommaviy qochqinlarga va oziq-ovqat xavfsizligiga olib keladi.
Chinchibidja xalqaro hamjamiyatni qochqinlar va fuqaroligi bo‘lmagan shaxslarga yordam berish uchun 9 million dollarga yaqin mablag‘ ajratgan ECOWAS rahbariyatining sa’y-harakatlarini qo‘llab-quvvatlashga chaqirdi.
