Xitoy maymunchechak tufayli chegara nazoratini kuchaytirdi
- Жанр: Yangiliklar
- Смотрели: 2
- Формат: mp4
- Дата релиза: 16-08-2024, 20:36
Xitoy Jahon sog‘liqni saqlash tashkiloti (JSST) tomonidan xalqaro ahamiyatga molik favqulodda holat deb e’lon qilingan chechak belgilari bilan chet eldan kelgan odamlarni tekshirishni boshlashini e’lon qildi.
Ushbu chora-tadbirlar maymunchechagi epidemiyasining Xitoyga kirib kelishining oldini olish va aholi salomatligini saqlashga qaratilgan.
Xitoy Xalq Respublikasi Bosh bojxona boshqarmasi xabarnomasida qayd etilishicha, maymun chechagi epidemiyasi kuzatilgan mamlakatlardan (mintaqalar) kelgan, maymun chechagi bilan kasallangan bemorlar bilan aloqada bo‘lgan yoki alomatlari bo‘lgan shaxslar bu haqda bojxonaga kirishdan oldin xabardor qilishi shart. Bojxona organlarining mansabdor shaxslari tomonidan belgilangan tartibda tibbiy choralar ko‘riladi, namunalar olish va tekshirish o‘tkaziladi.
Maymun chechagi epidemiyasi sodir bo‘lgan mamlakatlardan/mintaqalardan kelgan, ifloslangan yoki ifloslangan bo‘lishi mumkin bo‘lgan transport vositalari, konteynerlar, yuklar va buyumlar belgilangan tartib-qoidalarga muvofiq sanitarizasiya qilinishi kerak.
Xitoy Xalq Respublikasi Bosh bojxona boshqarmasi xabarnomasiga ko‘ra, uning qoidalari e’lon qilingan paytdan boshlab kuchga kiradi va olti oy davomida amal qiladi.
