Isroil vazirining Al-Aqso masjidiga tashrifi juda xavotirli — Rossiya
- Жанр: Yangiliklar
- Смотрели: 3
- Формат: mp4
- Дата релиза: 15-08-2024, 00:54
"Diniy sionizm tarafdorlarining bunday g‘alayonlari, afsuski, muntazamdir. Isroil rasmiylari ularni qoralash bilan cheklanib qolmay, Quddus ziyoratgohlari status-kvosini qo‘pol ravishda buzuvchi bu qabih amaliyotni to‘xtatish uchun samarali choralar ko‘rishlari kerak", dedi departament.
Gap shundaki, qonunga ko‘ra, yahudiylar va nasroniylar haftaning ma’lum kunlarida faqat ma’lum vaqtlarda Ma’bad tog‘iga chiqishlari mumkin. Siyosatchilarning, ayniqsa Ben-Gvirning tashrifi ko‘pincha Isroil va Falastin o‘rtasida jiddiy taranglikni keltirib chiqaradi.
Avvalroq Falastin prezidenti Mahmud Abbos Falastin tinch aholining o‘ldirilishini qoralashi va Isroilning harakatlarini «genosid urushi» deb bilishini aytgandi. Uning so‘zlariga ko‘ra, mojarolar natijasida 150 mingdan ortiq falastinlik, asosan ayollar va bolalar halok bo‘lgan va yaralangan.
Shu bilan birga, Isroil Bosh vaziri Binyamin Netanyaxu Isroilning Falastin hududidagi aholi punktlarining qonuniyligi shubhasiz ekanini ta’kidladi. Yahudiy xalqi «o‘z yurtini zabt etuvchi emas», deb tushuntirdi u.