Bombalanayotgan G‘azo: 173-kunning asosiy voqealari
- Жанр: Yangiliklar
- Смотрели: 18
- Формат: mp4
- Дата релиза: 27-03-2024, 18:00
▪️ Bosqinchilar Misr chegarasidan uncha uzoq bo‘lmagan Rafah shahriga katta hujumlar uyushtirdi. Nuseyrat, Xon Yunis va Jabaliya lagerlariga ham zarba berildi. Kun davomida 81 kishi shahid bo‘ldi, 93 kishi yaralandi.
▪️ Bosqinchilar Nosir kasalxonasiga bostirib kirdi, u yerda tibbiyot xodimlari va ko‘chirilganlar hibsga olindi.
▪️ G‘arbiy Sohilda ishg‘olchilar Jeninga bostirib kirdi, natijada 19 yoshli falastinlik shahid bo‘ldi, Nablisdagi uyida bir qiz halok bo‘ldi, yana 5 kishi esa og‘ir yaralandi.
▪️ Chet el samolyotlari tomonidan G‘azo sektoriga insonparvarlik yordami dengizga tushishi natijasida kamida 13 nafar falastinlik suvdan oziq-ovqat qutilarini olishga urinishda halok bo‘ldi.
▪️ Bosqinchilar Livan janubidagi Al-Xabariya shahriga hujum qildi. Hujum natijasida tez yordam markazining 7 nafar ko‘ngillisi halok bo‘ldi.
▪️ OAV: Livandan Yuqori Jalila tomon 30 dan ortiq raketa uchirildi. Kiryat Shmonada bir ko‘chmanchi yahudiy halok bo‘ldi. Katta vayronagarchiliklar mavjud.
▪️ Al-Qassam brigadalari: Jangchilarimiz Ar-Rashid ko‘chasida bir guruh bosqinchilarni yo‘q qildi.
▪️ HAMAS siyosiy byurosi a’zosi Izzat al-Rishq Isroilning ikki hafta muqaddam harakatdagi uchinchi muhim shaxs hisoblanuvchi Marvon Iso tunnelga uyushtirilgan havo hujumi natijasida halok bo‘lgani to‘g‘risidagi iddaosini shubhali deb atadi. U oxirgi so‘zni Izzad-Din al-Qassam brigadasi (HAMASning jangovar qanoti) aytishini ma’lum qildi.
▪️ G‘arbiy Sohildagi noqonuniy yahudiy aholi punktlaridan va Emmanuel sanoat zonasidan chiqarilgan suyuq va qattiq chiqindilar Falastin aholi salomatligiga tahdid solayotgani va qishloq xo‘jaligi yerlarini yomonlashtirayotgani ma’lum qilindi.