Fransiya Moskvadagi terakt tufayli Olimpiya o‘yinlariga tashrif buyuruvchilar sonini kamaytirdi
- Жанр: Yangiliklar
- Смотрели: 15
- Формат: mp4
- Дата релиза: 26-03-2024, 23:52
Unga ko‘ra, Fransiya prezidenti Emmanuel Makron Yelisey saroyida mamlakat Mudofaa va milliy xavfsizlik kengashini yig‘di. Attal 22 mart kuni Moskva chekkasidagi Krasnogorsk shahridagi Crocus City Hall konsert zalida sodir etilgan teraktni keltirib o‘tgan, o‘shanda bir necha qurollangan shaxs tashrif buyuruvchilarga qarata o‘t ochgan, so‘ngra binoga o‘t qo‘ygan.
“Islomiy davlat” terrorchilik da’vosi va mamlakatimizga tahdidni inobatga olib, biz Vijipiratni (Milliy terrorizmdan ogohlantirish tizimi) eng yuqori darajaga – “favqulodda holat”ga ko‘tarishga qaror qildik”, – dedi Attal.
Mart oyi boshida Politico gazetasi Makron 26 iyul kuni Parijda bo‘lib o‘tadigan Olimpiada o‘yinlarining ochilish marosimida terakt xavfi tufayli tomoshabinlar sonini kamaytirishga buyruq bergani haqida xabar bergan edi. Gazetaning yozishicha, o‘sha paytda mamlakat razvedka xizmatlari 2024 yilgi Olimpiada o‘yinlari vaqtida teraktlar xavfini qayd etmagan, biroq “islom terrorizmi”dan xavotir bildirgan.
Fransiya ichki ishlar vazirligining aytishicha, qator terrorchi guruhlar, jumladan, "Islomiy davlat" va "Al-Qoida" mamlakatni bo‘lajak hujumlar uchun potensial nishon sifatida ko‘radi, biroq ularga xorijdan uyushtirish uchun "moliyaviy salohiyat" yo‘qligi to‘sqinlik qilayotganini aytadi.
Parijdagi Olimpiya o‘yinlarining tantanali ochilish marosimi odatdagidek stadion ichida emas, ochiq maydonda – Sena qirg‘og‘ida bo‘lib o‘tadi.
