Namanganda oltinni qayta ishlash va sotish markazi ochiladi
- Жанр: Yangiliklar
- Смотрели: 15
- Формат: mp4
- Дата релиза: 26-03-2024, 17:44
Davlat rahbari matbuot xizmati xabariga ko‘ra, bugun Namangan, Andijon va Farg‘ona viloyatlari hokimlari, iqtisodiy kompleks rahbarlari ishtirokida o‘tkazilgan yig‘ilishda shu masala muhokama qilindi.
Prezidentimiz bir kun avval bo‘lgan Yangi-Namangan tumanidagi «Gavhar Group» korxonasi misolida zargarlik buyumlari ishlab chiqarish va eksport qilish hajmini oshirish uchun katta imkoniyatlar ko‘rayotganini ta’kidladi.
Bugungi kunda mamlakatimizda qazib olinayotgan oltinning atigi 6 foizi O‘zbekistonda qayta ishlanadi, yiliga 78 million dollarlik zargarlik buyumlari eksport qilinadi.
Shu bois tadbirkorlar uchun zargarlik zonalari yaratilib, bu yerda alohida shartlar qo‘llaniladi. Shuningdek, zargarlik sanoatini xomashyo bilan ta’minlash, mutaxassislar tayyorlash, ishlab chiqarish tarmoqlari va sotish masalalari mas’ul boshqarmalar tomonidan ko‘rib chiqiladi.
